ACCUBITALIA Triclinia

ACCUBITALIA Triclinia

refectoria Monachorum vocantur Orderico Vitali l. 2. p. 412. Athanasius de imagine Berytensi: Χριςτιανός τις ἔλαβεν εν οἰκίῳ κελλίον καρά τινος, εν ῳ κατοικῶν ἀντικρὺ τȏυ ἀκουβίτου αὐτοῦ ἔπηξεν εἰκόνα τȏυ Κυρίου ἡμῶι, Christianus quidam sumpsit

in aedibus cellulam a quodam, in qua habitans e regione Refectorii, ibi collocavit imaginem Domini nostri. Hinc Accubitus appellata triclinia, maioribus aedibus sacris adiuncta, in quibus Pontifices e Clero et Laicis praecipuos conviviô excipiebant, post sacra peracta, de quibus vide aliquid supra, et multa alia, apud Car. du Fresne in Constantinop. Christianâ, ubi de Tribunali XIX. accubituum agit prolixe. In Chartâ Conradi Imperat. A. C. 1145. Accubitus vastatorii occurrunt significantque ius prandii seu pastum, Gall. Droit de giste et de past, de quo infra in vocibus Pastus, Prandium, Procuratio.